Boeke om te lees
Trent Horn
A Case For Catholicism
Beskikbaar by
Die Naam van Jesus, die enigste Naam wat aan ons gegee is vir verlossing (Hand. 4:12), die Naam voor wie elke knie sal buig (Fil. 2:9-11), is die middelpunt van die Jesusgebed. ’n Gebed (ook ’n metode van gebed) wat die verstand en gees kalmeer deur te mediteer op Jesus in Sy volle persoon, Sy ware goddelikheid en ware menslikheid.
Biskop Kallistos Ware (wat ongelukkig in 2022 oorlede is) was ’n Britse teoloog en biskop in die Ortodokse Kerk. Hy was gerespekteer onder beide Katolieke en Ortodokse Christene, en hy het nuttige boeke geskryf oor Oosterse Christelike teologie en spiritualiteit, insluitend hierdie klein maar bondige uitgawe oor die Jesusgebed.
Die boek het kort maar propvol hoofstukke wat die essensiële aspekte van die gebed ondersoek, insluitend die “vier drade” daarvan, soos hy dit gestel het, die hoofdoeleindes daarvan, die ontwikkeling daarvan in die Kerkgeskiedenis, en ook uitstekende insigte oor die gebed in verband met die Drie-eenheid en die Sakramente. Biskop Ware gee ons ook praktiese maniere om die gebed in ons daaglikse lewens te beoefen.
Die grootste impak van die boek is die aanmoediging dat hierdie gebed gebruik moet word deur beide Westerse (Katolieke) en Oosterse Christene. Hierdie gebed fokus op ons Here Jesus, die Here van alle Christene. Hy wys ook na die Westerse mistikus St. Bernardus van Clairvaux, wat ’n liefde gehad het vir die Heilige Naam (bl.12), en werke soos Die Wolk van die Onbekende (14de eeu) en Die Donker Nag van die Siel deur St. Johannes van die Kruis (16de eeu), wat positief geskryf het oor hierdie ‘nie-ikoniese’ gebede soos die Jesusgebed.
Ons beveel hierdie kort boek, gepubliseer deur die Catholic Truth Society, sterk aan. Dit sal jou geestelike lewe verryk en, uiteindelik, jou daaglikse lewe. Dit sal ook ’n groter waardering onder Katolieke bevorder vir ons Oosterse broers en susters en hulle toewydings praktyke.
Here Jesus Christus, Seun van God, wees my, ’n sondaar, genadig.
Trent Horn
A Case For Catholicism
Beskikbaar by
Hierdie book is 'n indrukwekkende verdediging van die Katolieke geloof teendie algemene Protestantse kritieke. Horn, 'n goed ingeligte apologeet en Katolieke geleerde, bied goed deurdinkde en toeganklike argumente aan wat 'n wye reeks teologiese besprekings tussen Katolisisme en Protestantisme aanspreek. Sy benadering is beide respekvol en deeglik, wat die boek 'n waardevolle hulpbron maak vir diegene wat die Katolieke leerstellings wil verstaan of verdedig.
Deur die boek heen bespreek Horn temas soos die gesag in die Kerk, die rol van die Skrif, die Eucharistie en die leerstelling van verlossing. Hy verduidelik Katolieke posisies vaardig, dikwels deur die historiese en Bybelse gronde te beklemtoon, terwyl hy ook misverstande of waninterpretasies wat Protestantse kritici mag hê, aanspreek. Die boek is georganiseer in duidelike hoofstukke, wat elkeen 'n spesifieke area van Katolieke geloof behandel, wat dit maklik maak vir lesers om die materiaal te navigeer en te verwerk.
Horn se trant is beide geleerd en toeganklik, wat ingewikkelde teologiese argumente verstaanbaar maak vir leke-lesers sonder om diepte op te offer. Hy vermy polemiese aanvalle en fokus eerder op die aanbieding van positiewe argumente vir Katolisisme, wat ‘The Case for Catholicism’ 'n konstruktiewe en verhelderende leeservaring maak vir enigiemand wat belangstel in interdenominasionele dialoog of apologetiek.
Oor die algemeen dien hierdie boek as 'n uitstekende inleiding tot Katolieke apologetiek, wat lesers voorsien van 'n soliede grondslag om betekenisvolle gesprekke oor geloof, leerstellings en tradisie aan te gaan. Dit is 'n onontbeerlike hulpmiddel vir Katolieke wat hul geloof wil verstaan en verduidelik, sowel as vir diegene wat die verskille tussen Katolisisme en Protestantisme ondersoek.
Trent Horn
Why We Are Catholic
Beskikbaar by
Our reasons for faith, hope, and love;
In hierdie boek verduidelik die skrywer nie net waarom ons Katolieke is nie, maar hy begin deur te verduidelik waarom ons eerstens in iets glo, in stede van om glad nie te glo nie. Vanuit hierdie breë perspektief, verduidelik die skrywer dan stapsgewys waarom die Christelike geloof sy volheid vind in die Katolieke Kerk. Verskye omstrede kwessies soos: Waarom Katolieke Maria en ander heiliges vereer; waarom Katolieke nie Bybel-alleen Christene is nie; en waarom Katolieke glo dat geloof en werke hand-aan-hand loop as geloof wat deur liefde werk. Die onderskeie onderwerpe in die boek word in ‘n gemaklike Engels en op maklike wyse bespreek. Hierdie is voorwaar ‘n belangrike boek om te lees vir elkeen wat belangstel om meer te wil weet oor die Katolieke Kerk en die Katolieke Christelike geloof.
Stephen K Ray
Crossing the Tiber
Beskikbaar by
Steve Ray was ‘n evangeliese protestant. In hierdie boek beskryf hy sy bekering tot die Katolieke Kerk as ‘n oorsteek van die Tiber Rivier – die rivier wat langs die Vatikaan verby vloei. In die eerste deel van die boek verduidelik Ray hoe, onder andere sy belewenis rondom die mislukking van ‘sola scriptura’ en ‘die reg tot private beoordeling en opinie’, in praktyk gely het tot sy ontdekking van die Katolieke Kerk. Verder skryf hy oor die woorde van Jesus aan Petrus ‘op hierdie rots’, en wat dit beteken. Die tweede deel van die boek handel ook oor die Doop en die derde deel oor die Eucharistie (die Nagmaal). Crossing the Tiber word aanbeveel vir enige soekende Christen, maar is veral bedoel vir diegene wat vrae het rondom die Katolieke Kerk.
Mark E. Thibodeaux, SJ
God's Voice Within
Beskikbaar by:
Hierdie boek is 'n diepgaande ondersoek in die geestelike praktyk van onderskeiding. Dit is gemik op mense wat leiding soek in die maak van besluite. Die skywer kombineer teologiese insigte met praktiese gereedskap om God se stem in die alledaagse lewe te herken. Deur die Jesuitetradisie te gebruik, hou die boek onderskeiding nie as 'n enkele gebeurtenis voor nie, maar as 'n deurlopende proses wat gebed, refleksie en aandagtigheid teenoor die Heilige Gees behels.
Thibodeaux verdeel die konsep van onderskeiding in maklik verstaanbare stappe, wat beklemtoon dat dit gaan oor die onderskeiding van die verskeie stemme wat ons besluite beïnvloed - daardie stem van God, ons eie begeertes, en wêreldse afleidings. Hy moedig lesers aan om hul innerlike geestelike ervarings, of dit nou vreugde, vrede of ongemak is, te vertrou om in die maak van die lewe se belangrike besluite te help. Die boek sluit ook voorbeelde in uit beide die Skrif en die moderne lewe, wat relatiewe situasies bied waaruit lesers hul eie onderskeidingsreis kan oorweeg.
Hierdie werk is toeganklik vir 'n wye gehoor, of iemand nou net begin om Ignatiaanse spiritualiteit te verken of reeds daarmee bekend is. Thibodeaux se skrywe is duidelik en uitnodigend, wat lesers lei om die stil, maar kragtige, stem van God binne-in te hoor. Uiteindelik is ‘God’s Voice Within’ nie net 'n gids vir die maak van besluite nie, maar 'n oproep om 'n lewe te lei wat meer ingestel is op goddelike leiding en innerlike vrede.
Hierdie goed deurdinkde, praktiese boek is 'n onontbeerlike bron vir enigiemand wat dit wil regkry om gebedsvolle onderskeiding in hul daaglikse keuses en geloofslewe in te sluit.
Scott & Kimberley Hahn
Rome Sweet Home
Beskikbaar by:
Ons reis na die Katolieke kerk
Scott Hahn was ‘n Presbiteriaanse dominee voor sy bekering tot die Katolieke Kerk. Hierdie boek vertel die verhaal van hoe Hahn en sy vrou Kimberly die Katolieke Kerk ontdek het. In die boek vertel Hahn hoedat dit veral ‘n nuwe insig die Verbond van God was wat gelei het tot ‘n nuwe waardering van die Eucharistie (Nagmaal) in sy kerklike bediening. Dit is egter hierdie nuwe waardering van die Eucharistie en navorsing op die woorde van Jesus dat Hy nie weer wyn sal drink voor alles volbring is nie, wat vir Hahn op die spoor van die ontdekking van die Katolieke Kerk geplaas het. Hy vertel ook van die innerlike stryd wat hy as dominee beleef het met die ondekking van die waarheid van die Katoliek Kerk en ook die stryd van om sy werk prys te gee ter wille van ‘n oorgaan na die Katolieke Kerk. Enige persoon sal baat vind by die lees van hierdie boek, maar die boek word veral aanbeveel vir dominees en pastore wat die Katolieke Kerk as tuiste oorweeg.
Biskop Robert Barron
This Is My Body
Beskikbaar by:
This is My Body - A call to Eucharistic Revival het ten doel om die kommer aan te spreek dat baie Katolieke nie die bron en hoogtepunt van die Christelike lewe, die Eucharistie, verstaan nie. Hierdie kompakte boek, in drie hoofstukke verdeel, verduidelik die betekenis van die Heilige Sakrament en die werklike teenwoordigheid van Jesus in die Heilige Sakrament. Deur die drie hoofstukke is daar 'n opbou na hierdie pragtige verborgenheid van Christus se werklike teenwoordigheid in die sakrament.
Hoofstuk een begin eers met die Eucharistie as 'n maaltyd, dit herinner ons aan God se goedheid en hoe hierdie goedheid van ons oorloop by ontvangs van die Heilige Eucharistie. Die tweede hoofstuk, verduidelik die Eucharistie as offer, en verwys na onder meer na die Ou Testament. Die derde en belangrikste hoofstuk keer terug na die Waarheid van Christus se Werklike Teenwoordigheid in die Heilige Sakrament.
Die boek se struktuur bou om sy lesers te verlig tot die volheid van die Heilige Sakrament. 'n Opvallende punt is die beskrywing van die implikasies van sonde en God se benadering om ons met Homself te versoen deur die Eucharistie, wat weer God se liefde deur hierdie Heilige Sakrament en die Eucharistie herhaal as die Bron en Hoogtepunt van die Christelike geloof. Die gebruik van die Ou Testamentiese verslae om die waarom en bron van hierdie sakrament en die konteks van Jesus se offer, die offer eens vir altyd en verteenwoordig in die mis, dieper te verstaan en 'n volledige sirkel siening te gee. Deur gebruik te maak van die historiese leerstellings van baie van die vroeë kerkvaders, soos Origenes van Alexandrië (ca. 185–254 n.C.), wat meer as een keer gesê het: "Hierdie brood word deur gebed 'n heilige liggaam, wat diegene wat opreg daaraan deelneem heilig." herhaal die historiese rykdom van hierdie groot sakrament wat deur die eeue geleer is.
